Jamaah sidang Jumat ingkang minulya
Sampun kita mangertosi, wonten ing penanggalan hijriah, kasebat sekawan (4) wulan ingkang dipun muliaaken. Kados dene dhawuhipun Allah Ta’ala ing Al-Qur’an:
اِنَّ عِدَّةَ الشُّهُوْرِ عِنْدَ اللّٰهِ اثْنَا عَشَرَ شَهْرًا فِيْ كِتٰبِ اللّٰهِ يَوْمَ خَلَقَ السَّمٰوٰتِ وَالْاَرْضَ مِنْهَآ اَرْبَعَةٌ حُرُمٌۗ
Artosipun, “Setuhune itungane pira-pira wulan mungguh Allah iku rolas (12) wulan, ing dalem kitabe Allah, ing dalem dinane agawe sapa Allah ing pira-pira langit lan bumi, iku setengah saking rolas, yaiku papat (4) kang mulya kabeh …” (QS At-Taubah ayat 36).
ADVERTISEMENT
SCROLL TO RESUME CONTENT
Wonten ing kitab Tafsir Al-ibriz Juz 1-10 kaca 536-537) dipun terangake, salah setunggale wulan kang kalebet sekawan wulan kang mulya inggih punika wulan Muharram lan carane muliaake yaiku aja padha nglakoni maksiat lan nganiaya, ananging sahenipun kita isi kanthi nglampahi kesahenan-kesahenan.
Ing dalem wulan Muharram, kathah sanget amalan ingkang saget kita lampahi. Mulai saking awal bulan lan ing wekdal-wekdal ingkang istimewa, kados dene tanggal 10 Muharram utawi dinten Asyura.
Kanjeng Nabi Muhammad saw sampun paring dhawuh, nalika ditangleti salah setunggale sahabat, ing babagan kautaman pasa ing dinten Asyura: يُكَفِّرُ السَّنَةَ الْمَاضِيَةَ Artosipun, “Pasa ing dina Asyura iku isa nglebur dosa setahun kang wus kelewat.” (HR. Muslim).
Lajeng ing Kitab Tanbihul Ghafil Tarjamah Matan Bahjatul Wasail kaca 83 dipun terangaken, supaya anggene kita nglampahi pasa Asyura iku ora nyerupani karo pasane wong Yahudi, banjur pasa Asyura punika sahenipun dipun lampahi kalian pasa ing dinten kaping sanga (9) utawi Tasu’a.
Amalan sanesipun ingkang saget kita lampahi ing wulan Muharram, khususipun ing dinten Asyura, inggih punika paring sedekah lan njembaraken rezeki utawa paring dhaharan kang eco kagem keluargane, kados dene Kelajengan ing kitab Kitab Tanbihul Ghafil Tarjamah Matan Bahjatul Wasail.
Ma’asyiral Muslimin rahimakumullah
Saking keterangan kautaman ing dinten Asyura supados paring sedekah lan njembaraken rezeki utawa paring dhaharan kang eco punika, lajeng dipun wontenaken ugi kegiatan santunan, kados dene santunan kagem lare yatim. Punika dados amalan ingkang sahe sanget.
Kanjeng Nabi Muhammad saw paring dhawuh, wonten ing hadits ingkang dipun riwayataken Imam Ahmad saking Abi Umamah:
أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ مَنْ مَسَحَ رَأْسَ يَتِيمٍ لَمْ يَمْسَحْهُ إِلَّا لِلَّهِ كَانَ لَهُ بِكُلِّ شَعْرَةٍ مَرَّتْ عَلَيْهَا يَدُهُ حَسَنَاتٌ وَمَنْ أَحْسَنَ إِلَى يَتِيمَةٍ أَوْ يَتِيمٍ عِنْدَهُ كُنْتُ أَنَا وَهُوَ فِي الْجَنَّةِ كَهَاتَيْنِ وَفَرَّقَ بَيْنَ اُصْبُعَيْهِ السَّبَّابَةِ وَالْوُسْطَى
Halaman : 1 2 3 Selanjutnya
