Khutbah Bahasa Jawa 29 Agustus 2025: Bungaha kelawan Rahmat Paling Agung — Kanjeng Nabi Muhammad saw

Menika sedaya, dados wujud raos bungah mèngeti wulan miyosipun Kanjeng Nabi ingkang dipun utus, dados rahmat kagem sedaya alam.

Dhawuhipun Gusti Allah swt: وَمَآ اَرْسَلْنٰكَ اِلَّا رَحْمَةً لِّلْعٰلَمِيْنَ

Artosipun, “Lan ora ngutus Ingsun (Allah) ing sira (Muhammad), kajaba kerana dadi rahmat tumerap wong alam kabeh,” (QS Al-Anbiya’ ayat 107).

Wonten ing kitab Tafsir Al-ibriz Juz 11-20 kaca 1052-1053, dipun terangake, bilih ingkang nampa rahmat sebab wujude Kanjeng Nabi punika mboten namung wong-wong mukmin kang salih, nanging ugi wong-wong kafir lan fajir (tukang ngelampahi doso).

Jalaran, nalika Kanjeng Nabi disawati watu, ditekak, disoki tletong dening kaume, lan liya-liyane meneh, upama nalika iku Kanjeng Nabi mboten nyuwun kalian Gusti Allah supados kaum punika dipun paringi pitedah sebab kalebet tiyang ingkang dereng mangertos, mesti sampun ditumpes kabeh.

Kaya dene para kaum ing zaman nabi sak derenge Kanjeng Nabi Muhammad saw, wonten ingkang dipun sirnaake, wonten ingkang malih rupa dadi kethek utawa babi, lan liya-liyane.

Mula begja kemayangan, kita sedaya dipun takdir dados umatipun Kanjeng Nabi Muhammad saw. Ma’asyiral Muslimin rahimakumullah Gusti Allah subhanahu wata’ala ugi sampun paring dhawuh ingkang kasebat wonten Al-Qur’an:

\قُلْ بِفَضْلِ اللّٰهِ وَبِرَحْمَتِهٖ فَبِذٰلِكَ فَلْيَفْرَحُوْاۗ هُوَ خَيْرٌ مِّمَّا يَجْمَعُوْنَ

Artosipun, “Dhawuha sira (Muhammad), padha bungaho kelawan Kanugrahan lan Rahmate Allah. Sebab Rahmat lan Kanugrahan wau, mangka padha bungaho wong-wong mukmin. Kang mengkunu iku, luwih bagus tinimbang dunya kang dikumpul-kumpulake.” (Surat Yunus ayat 58).

Salah setunggale rahmat ingkang ageng, inggih punika, Kanjeng Nabi Muhammad saw ingkang dados panutan kita sedaya lan kanthi wasilahipun, kita saget mengenal agami Islam lan kitab suci Al-Qur’an.

Kita sedaya saget urip ing dunya kanthi netepi iman lan islam menika, ugi minangka saking kanugrahan lan rahmat utawi welas asihipun Gusti Allah swt. Pramila kita kedah tansah bungah awit saking rahmat punika. Ngedalaken raos bungah kaliyan Kanjeng Nabi Muhammad saw punika, saget kita wujudaken kanthi ngathah-ngathahaken maos shalawat kagem Kanjeng Nabi. Gusti Allah swt sampun paring dhawuh ing Al-Qur’an:

اِنَّ اللّٰهَ وَمَلٰۤىِٕكَتَهٗ يُصَلُّوْنَ عَلَى النَّبِيِّۗ يٰٓاَيُّهَا الَّذِيْنَ اٰمَنُوْا صَلُّوْا عَلَيْهِ وَسَلِّمُوْا تَسْلِيْمًا

Halaman : 1 2 3 Selanjutnya